Кисанахь ловзучу шайнаша
Кхетамна ваьккхича гена хьуо,
Iехалуш самахчу гIенашна,
Хьовзор бу ахь керла хенагуо.
«Нийсачу» нахерчу бустамехь
Духар а далийна лартIе, ахь
Хьайн берийн хенара нускалан
Цхьа тайпа доккхур ду цIартIе а.
Кхаъ белла, балха дIахIоьттина,
Болар а, къамел а тодина,
Лелар ву, кепа чу воьттина,
Хьаналчу дегнашна муо бина.
Дозанал ара а баьккхина,
ЦIеношна пеннал бух буттур бу,
Хьийзош хьайн куьйга кIел баьхкинарш,
Хьаькамна муьтIахь чухIуттур ву.
Цунна тIе ламазаш дерзадеш, –
Цул деза ца гойтуш хIумма а, –
Цу Iамалх дахаран терза деш,
Дуьтур ду дуьненан суннаташ.
Цу «декъалхиларо» хьаьсттинчохь
Дахаро хьо юьстахкхоьссича,
Юха а денлур ву – хIумма а
Йоцучу хIуманийн умматехь.
Юха а денлур ву
© Copyright: Адам Ахматукаев, 2011
Свидетельство о публикации №111120110717
Свидетельство о публикации №111120110717
Рецензии
Адам,ма дика язйина!!! Ма-дарра,говза,чулацаме,заманах дукха тера сонтачу адаман амал ястар го кху байташкахь!Дависа,деша хууш мукъна а белара ,шайх лаьцна деша,шаьш довза)))
Лерамца,
Петимат Абубакарова 03.01.2012 22:10 • Заявить о нарушении
Лерамца,
Петимат Абубакарова 03.01.2012 22:10 • Заявить о нарушении
И хууш уьш белхьара-м, Пет1мат, царах лаьцна яздан вайна бахьанаш к1езгох хила там барий.
Адам Ахматукаев 04.01.2012 00:13 Заявить о нарушении
Адам Ахматукаев 04.01.2012 00:13 Заявить о нарушении
Авторан исбаьхьаллин пох1ма а, цунна дахар дика девзаш хиларан билгалонаш а гойту х1окху говзаро. Дала т1аьхье беркате йойла! Лерамца
Ильман Юсупов 20.10.2012 14:01 Заявить о нарушении
Ильман Юсупов 20.10.2012 14:01 Заявить о нарушении