Берашна лерина

Берийн  дуьхьа
***           ***     ***
   Тайниг
Ц1енкъахь  1уьллу  жима  тайниг,
Чурадаьккхина  куьг-  ког,
Хьанна ,жимниг,хьо  ца  тайна,
Хьенан   хьох  ца  лези  дог?
Х1инца  дийр  ду  ас  хьан  дола,
Куьг а ,ког а  х1уттур  ду,
Хьожур  ю  хьан дахар  кхола,
Ирсе  дуьне   гойтур  ду,


***    ***    ***
    Хинкема
Кехатах  дина  хинкема
Хоьцур  ду  х1орда  чохь  лела
Нека  дан и  цу  чохь  1ема,
Говза  дина  долу дела!

***   ***   ***
   Бекъа

Дадас   суна  бекъа  эцна,
Бора  басахь  лепа  кхес,
Х1инца  иза  хит1е  эцна,
Г1ур  ву,тиллина  к1айн  пес.
Говро  ловзуш  ц1ингаш  бетта,
Жима  дошло  д1асаветта!


Газа-гуьзалг


Бабин  газа-гуьзалг  яхна
Яжа-кажа  кондаршка,
Сарралц  Дадас –Бабас  лехна
Кара ца   еш   бодашкахь?
Х1ун дан  деза  ц1а  ца  яг1ахь,
Холчохь  Бабий-Дадий  ду,
Ца  олуш мегар  дац  хьаха,
Даха-дахка  цхьанхьа  шу.

Бад а  бедан  к1орнеш  а.

Де  ду  кхехкаш,
Малхах  детта,
Бад  ю  техкаш
1ам  чу  едда ,
Т1аьхьа  яьхна
К1орнеш  шеен,
Цуьнан  даьхни-
Дерриг  к1айн.

   ***   ***   ***
Туьйра  деъна  хьошалг1а

Буьйса  еъна ,бода  бахьаш,
Седарчашца  бода  сегош,
-Тхо  д1адийша  мА  ца  даьхьа,-
Бераш  боху  шайн  дендега.
Дадас  вог1ий  туьйра  дуьйцу,
Бераш набаро  д1алуьйцу.



Ваха

Арахь  хеза  херхан  г1овг1а,
Кет1ахь  цхьаммо  етта  ж1ов,
Же,  д1асовца,вижна  Ваха,
Самавалахь,  хир  ду  дов!