* * *
Шеран муьраш
Б1аьсте,аьхке,гуьйре,1а-
Цхьаьна цкъа а уьш ца 1а.
1аламан уьш бераш ду,
Т1аьхьа-хьалха лелаш ду.
Массарел ю хаза б1аьсте!
Ткъа 1а-хетарх цуьнан десте!
Мехаш тедеш,дашош ло,
Б1аьсте гушшехь,цхьа к1адло.
Шен раг1 кхаьчча,йог1у аьхке.
Б1аьстено и ца йо бехке:
Дагца йоцуш цхьа а хьаг1,
Д1ало цуьнга сихха раг1.
Стигал хьулъеш,мархаш йог1у,
Арахь серса долу дог1а.
Шийла хуьлу 1уьйре-суьйре
(Вай юьйцург ю х1инца гуьйре)
Багара етташ шийла 1аь,
Дог1ий юхакхочу 1а.
Хаза хуьлу чимаш лайн
1аьнан мохо ловзош дайн…
Б1аьсте,аьхке,гуьйре,1а- 11
Х1оранне сатуьйсуш 1а.
1аламо шен хаза нур
Кховдийна бу х1ора мур .
Шеран муьраш
© Copyright: Петимат Абубакарова, 2011
Свидетельство о публикации №111102807382
Свидетельство о публикации №111102807382
Рецензии
Марша йог1ийла хьо, Пет1мат! Хьан стихашка а, гочдаршка а воккхавеш хьоьжуш 1аш ву со. Дала аьтто бойла хьан! 1абдулхьамидий, Абуссий вовшахтесначу гулар юкъахь хилларг юй хьо? "Стела1ад" журналехь а сайна хьан ц1е гича санна хета суна.
Адам Ахматукаев 28.10.2011 23:03 • Заявить о нарушении
Адам Ахматукаев 28.10.2011 23:03 • Заявить о нарушении
Дела реза хуьлда хьуна,Адам.Йоккхае со ,хьуна со евзина .
Лерамца
Петимат Абубакарова 29.10.2011 16:52 Заявить о нарушении
Лерамца
Петимат Абубакарова 29.10.2011 16:52 Заявить о нарушении