Дависа хьо маца кхачалур техьа
Иблисан шаддашца йихкина зама?
Нохчий бу отуриш сехьа а,дехьа…
Йоьлхушерг юха а ю нохчийн нана.
Т1аьхьара зама ю т1екхаьчнарг олу,
Герга ду вайн горга дуьне д1адала,
Яхьйолчу к1енташна хьох хилла йолу
Боккъал а йийцина т1аьхьара зама.
Я Аллах1, Умматна орцаха вала,
Исламан нуьраца литтахьа дахар.
Нийсачу кхелаца лацахьа бале
Шалхоерш,цабешарш мискачу нахах.
Я Аллах1,ларамза летинчу къинойн
Къа-бала д1аэций,дахахьа маьрша.
Хьан доьхьа эгначу сирлачу синойн
Г1азота доьхьа мохк баккхахьа маьрша!
Я Аллах1,хьан ц1арца миска халкъ доьхуш,
Элчан некъ лелийнчу Устазийн доьхьа,
Исламан сирла нур Дег1астахь даржош
Леллачийн дуьхьа тхан мохк декъалбехьа!
2005 шо
Дависа хьо маца кхачалур техьа
© Copyright: Петимат Абубакарова, 2011
Свидетельство о публикации №111091708596
Свидетельство о публикации №111091708596
Рецензии
Пет1мат, ас сайга хаьттича х1ара ши стих шашах йокхар яр.Дала аьтто бойла хьан.
Баги Чароев 25.09.2011 22:23 • Заявить о нарушении
Баги Чароев 25.09.2011 22:23 • Заявить о нарушении
Баркалла,хетарг аларна,д1анисйийр ю ас,дикка х1окху системах кхетта яц со х1инца а.
Лерамца
Петимат Абубакарова 25.09.2011 22:24 Заявить о нарушении
Лерамца
Петимат Абубакарова 25.09.2011 22:24 Заявить о нарушении