Сийдолчу нахана
Цхьа к1еззиг г1уллакх дой,
Ларамца и юхадерзадо цара,
Ткъа, нагахь сийдоцчех д1ахьакхалой-
Вухкур ву шайнах а и санначара.
17
*** *** *** *** ***
**** *** *** ****
Ма хета, хьуо хиларх,массо а ирсе…
Цхьанна и карийча,вукхуьнан дов и!
Цхьаъ хаза нисваларх кхин хуьлу ирча,
Цхьанна дов ца дезарх, кхечунна тов и.
Дуьненчу цхьаъ вели, кхечанхьа –вели,
Вехаш хьо хиларх,къенаш бу шортта,
Хьо везарх нахана,кхиверг ца оьшу.
Цхьаъ могаш хилаларх, цомгашниш-шортта.
Ма хета, ма хета массо а ирсе…
*** *** *** *** *** *** ***
Далахьа, сан илли, кхоллалой, т1ома!
Коьртера ойланаш д1ататтий гена.
Хазаде сатийсар маршоне къоман,
Хаийта, юйла хьайн 1алашо даим-
Харцо а, г1ело а, зулам а иэшор.
Кхин а бу сан иллин сирлачех лаам-
Массо а адаман ирсе сатийсар.
ма хета, хьуо хиларх, массо а ирсе
© Copyright: Петимат Абубакарова, 2011
Свидетельство о публикации №111091708568
Свидетельство о публикации №111091708568
Рецензии