БАГЬА Я
;;;;;;
Бес тежер гьава хьиз,
Вун заз ава яр,
Уьмуьрдин чара хьиз,
Я заз багьа яр.
Гъетеризни цава,
Чеб къизилар хьиз,
Иервал ганава,
Ракъин нурар хьиз.
;;;;;;
Заз авай муьгьуьббат я
Жаваб гайиди -
Зун цаваралди шад я,
Ваз к1ан хьайиди.
Рик1из чими пара я,
К1андач мад садни.
Уьмуьрдилай багьа я
Бахтунин дадни.
;;;;;;
Акъайна на, зи яр,
Заз рик1евай сир,
На заз лагьай гафар
Ашкъидин ц1ай тир.
Гъетеризни цава,
Чеб къизилар хьиз,
Иервал ганава,
Ракъин нурар хьиз.
Селминат Курабекова
.
.
Багьа я. Песня гр. Мелодия
© Copyright: Сельмина Курабекова, 2024
Свидетельство о публикации №124020206399
Свидетельство о публикации №124020206399
Рецензии