Заз чизва, такIанда ваз алцурунар,
Хиялмир ,вучиз гъам къвезватIа кьилел…
ТуькIуьрмир кIелеяр, галачтIа пунар-
Руг жеда са юкъуз, амукьдач чилел.
.
Тапарар- сухун я далуда гапур,
АцIукьна къужахда амалдарвилин…
Алцурун -сифте кам, хаинди къачур,
Чинеба аламат рикIин дарвилин.
.
Эгер рахазватIа чинал тапарар,
Ам жуван алемдай тадиз акъуда,
Садрани кьисметда жедач дапIарар-
Нагьахъвал чукурна, гьахъди агуда.
.
…Хуьх вуна руьгьдавай секинвал, акъваз,
Вучиз перишан я, ргазва иви?!
Адет я белкини алцурун адаз,
Жува жув рекьимир, вуна, Далагьви…
03.08.2019
Жуваз азият гумир
© Copyright: Билал Адилов, 2020
Свидетельство о публикации №120050208165
Свидетельство о публикации №120050208165
Рецензии