Калі згубіліся ў сусветнай мітусні
І думкі-ветры галаву туманяць,
Не паспяваеце раскідваць камяні —
Пакіньце час яшчэ на адзін танец.
І зацвітуць чырвона-жоўтыя палі
На музыкальна-рамантычнай глебе,
І калі ногі будуць танчыць на зямлі,
То душы будуць абдымацца ў небе.
І прыйдзе ў рухі светлы, радасны спакой,
Цяплом ахутае, прыемнай цішынёй,
І, можа, гэта — ваш шчаслівы шанец.
Калі не хочацца нічога вырашаць,
Калі сказалі ўсё, што вы маглі сказаць, —
Пакіньце час яшчэ на адзін танец.
Яшчэ адзiн танец
© Copyright: Анна Липчанская, 2019
Свидетельство о публикации №119122900769
Свидетельство о публикации №119122900769
Рецензии