Рецензия на «3 апреля - память преподобного Серафима Вырицкого» (Галина Николаевна Николаева)

Величание
Ублажаем тя, преподобне отче Серафиме, и чтим святую память твою, наставниче монахов и собеседниче ангелов.

Молитва

О, богоблаженный и премилосердый отче наш Серафиме!
Ведуще тя и по смерти яко живаго суща, с верою припадаем ти и вопием: не забуди убогих твоих до конца, но милостивно призри на стадо твое духовное и упаси е, добрый пастырю, благоприятными твоими к Богу молитвами.
Испроси нам от Господа время на покаяние и греховныя жизни исправление, веси бо вся немощи наша душевныя: не имамы дел веры и спасения, не имамы ревности в погибельных страстех, растлехом сердца во гнусных похотех.

Что убо чаем, и на что надеемся неключимии, разоривше храмины душ наших; ей, святый отче, простри молитвенно руце твои ко Господу, и умоли Спасителя рода человеческаго коснутися благодатию окаменелых сердец наших, омыти нас слезами покаяния, возставити в вере, укрепити во благочестии, и вся полезная ко спасению даровати.
Не посрами упования нашего, еже по Бозе и Богородице на тя возлагаем, но буди рабам Божиим тяжкостраждущим протоиерею Владимиру со чадами его и домочадцами скорый помощник, утешитель в скорбех и болезнях, и покровитель во обстояниих, да сподобятся молитвами твоими наследником быти Царствия Небеснаго, идеже вси святии непрестанно славят и воспевают Пречестное и Великолепое имя Отца, и Сына, и Святаго Духа, ныне и присно, и во веки веков. Аминь.

ПРЕПОДОБНЕ ОТЧЕ НАШ СЕРАФИМЕ, МОЛИ БОГА О НАС!

Николай Сысойлов   03.04.2015 02:39   •   Заявить о нарушении