Пільным, якасным зрокам
Я на поле гляджу.
Зацікаўленным вокам
Вынік працы суджу.
Тут раслі яравыя,
Набіраліся сіл.
Вецер ярасны вые,
Нібы хто галасіў.
Непрытульнае поле,
За ім леса сцяна.
Ягамосць, яго доля,
Прыгадаю сцямна.
Ёсць сухое іржышча –
Сведак моцы раслін.
Хто ж гарэзліва свішча?
Несуцешны… адзін…
Беларускае поле…
Тут спагада жыве.
Ёсць сапраўдная воля –
Як узор па канве.
Прызывае натхнёнасць,
Зноў я вершык ствару.
Праца наша – штодзённасць,
Абавязкам гару…
Пiльным, якасным...
© Copyright: Татьяна Цыркунова, 2026
Свидетельство о публикации №126091601757
Свидетельство о публикации №126091601757
Рецензии