Женнет я зи кьакьан дагълар,
Зун хьанва квел гьейран, дагълар,
Ватан лугьуз ширин я заз,
Яргъал хьайла четин я заз..
Дагълар рик1ин дарман я зи,
Лап рик1 алай ватан я зи,
Гьар са инсан дагъда авай,
Ам мукьвад я заз рик1ивай.
Зун къурбатда хьайиди я,
Вахъ вил галаз кайиди я,
Намус вине хвейиди я,
Вуна а тарс гайиди я.
Гьуьрмет акваз арадавай,
Маса миллет гьейран жедай,
— Ви вах яни? - заз лугьудай,
— Стха яни? - хабар кьадай.
Ч1алакъ тежез жедай урус,
Чахъ авайтуш земляк лугьуз,
Куьн арада авай хатур
Аламат я лугьуз акур .
Астрахандани Москвада
Заз жуван дагъви аквада,
Чир хьана, чун чаз хъуьреда,
Мукьвабур акурдай жеда.
Кьакьан дагълар
© Copyright: Селминат Курабекова, 2026
Свидетельство о публикации №126082500053
Свидетельство о публикации №126082500053
Рецензии