Цаваравай, нур гузавай гъетер хьиз,
Элкъвез-элкъвез майдандиз ша миресар.
Шадвал ийиз, хкаж хьана лекьер хьиз,
Элкъвез-элкъвез майдандиз ша миресар.
Куьн атайди хуьруьзни-къуз хабар я,
Куьн себеб яз, гьар са к1вале сувар я,
Синераллай лекьериз куьн ухшар я,
Элкъвез-элкъвез майдандиз ша миресар.
Акъвазна зун килигзава - гьейран яз,
Чи хуьр халис кьегьалрин са макан я,
Бул миресар гурлувилин лишан я,
Элкъвез-элкъвез майдандиз ша миресар.
Хвеши я заз - куьн акурлай зирек яз,
Гьар гьамиша куьн чи далу, куьмек я,
Ша эвич1а куьнни мадни зирек яз,
Элкъвез-элкъвез майдандиз къе миресар.
Гурлу мехъер гьар са касди мурад я,
Гурлу мехъер вич халисан баяд я,
Хуьр гурлу яз акур ч1авуз зун шад я,
Элкъвез-элкъвез майдандиз ше миресар.
Миресар
© Copyright: Магомед Мирзоев Мирзой, 2026
Свидетельство о публикации №126082504050
Свидетельство о публикации №126082504050
Рецензии