Спиридон Тримифунтский Молитва

Препрославленный отъ Господа святителю и чудотворче Спиридоне! Нын всечестную память твою празднующе, яко много могущему споспшествовати намъ о прославльшемъ тя Христ, умильно вопіемъ ти: избави насъ отъ всякихъ бдъ и золъ, да съ благодареніемъ зовемъ ти:

Радуйся, Спиридоне, предивный чудотворче.


Кондак 1.

Препрославленный от Господа святителю и чудотворче Спиридоне! Ныне всечестную память твою празднующе, яко много могущему споспешествовати нам о прославльшем тя Христе, умильно вопием ти: избави нас от всяких бед и зол, да с благодарением зовем ти:

Радуйся, Спиридоне, предивный чудотворче.



Молитва иная

О, всеблаженный святителю Спиридоне, великій угодниче Христовъ и преславный чудотворче! Предстояй на небеси престолу Божію съ лики ангелъ, призри милостивымъ окомъ на предстоящія зд люди [имярекъ] и просящія сильныя твоея помощи. Умоли благоутробіе Человколюбца Бога, да не осудитъ насъ по беззаконіямъ нашимъ, но да сотворитъ съ нами по милости Своей. Испроси намъ у Христа и Бога нашего мирное и безмятежное житіе, здравіе душевное и тлесное, земли благоплодіе и во всемъ всякое изобиліе и благоденствіе, и да не во зло обратимъ благая, даруемая намъ отъ щедраго Бога, но во славу Его и въ прославленіе твоего заступленія. Избави всхъ, врою несумннною къ Богу приходящихъ, отъ всякихъ бдъ душевныхъ и тлесныхъ, отъ всхъ томленій и діавольскихъ навтовъ. Буди печальнымъ утшитель, недугующимъ врачь, въ напастхъ помощникъ, нагимъ покровитель, вдовицамъ заступникъ, сирымъ защитникъ, младенцемъ питатель, старымъ укрпитель, странствующимъ путевождь, плавающимъ кормчій, и исходатайствуй всмъ, крпкія помощи твоея требующимъ, вся, яже ко спасенію, полезная. Яко, да, твоими молитвами наставляеми и соблюдаеми, достигнемъ вчный покой и купно съ тобою прославимъ Бога, въ Троиц Святй славимаго, Отца и Сына и Святаго Духа, нын и присно и во вки вковъ. Аминь.

Тропарь, гласъ 1

Собора Перваго показался еси поборникъ и чудотворецъ, богоносе Спиридоне, отче нашъ. Тмже мертву ты во гроб возгласивъ, и змію въ злато претворилъ еси, и внегда пти теб святыя молитвы, ангелы, сослужащія теб, имлъ еси, священнйшій. Слава Давшему теб крпость, слава Внчавшему тя, слава Дйствующему тобою всмъ исцленія.

Кондакъ, гласъ 2

Любовію Христовою уязвився священнйшій, умъ вперивъ зарею Духа, дтельнымъ видніемъ твоимъ дяніе обрлъ еси, богопріятне, жертвенникъ Божественный бывъ, прося всмъ Божественнаго сіянія.

Величаніе

Величаемъ тя, святителю отче Спиридоне, и чтемъ святую память твою, ты бо молиши за насъ Христа Бога нашего.


Молитва.

О великий и пречудный святителю Христов и чудотворче Спиридоне, Керкирская похвало, всея вселенныя светильниче пресветлый, теплый к Богу молитвенниче и всем к тебе прибегающим и с верою молящимся скоропредстательный заступниче! Ты веру православную на Никейстем Соборе посреде отцев преславно изъяснил еси, триединство Святыя Троицы чудесною силою показал еси и еретиков до конца посрамил еси. Услыши нас, грешных, святителю Христов, молящихся тебе, и сильным твоим предстательством у Господа избави нас от всякаго злаго обстояния: от глада, потопа, огня и смертоносныя язвы. Ты бо во временней жизни своей от всех сих бедствий избавлял еси людей твоих: от нашествия агарян и от глада страну твою сохранил еси, царя от неисцельнаго недуга избавил и многия грешники к покаянию привел еси, мертвых преславно воскрешал еси, за святость же жития твоего Ангелы, невидимо в церкви поющия и сослужащия тебе, имел еси. Сице убо прослави тебе, вернаго Своего раба, Владыка Христос, яко вся тайная человеческая деяния дарова тебе разумети и обличати неправедно живущия. Многим, в скудости и недостаточестве живущим, ты усердно помогал еси, люди убогия изобильно во время глада напитал еси и ина многа знамения силою в тебе живущаго Духа Божия сотворил еси. Сице и нас не остави, святителю Христов, поминай нас, чад своих, у Престола Вседержителя и умоли Господа, да подаст многих наших грехов прощение, безбедное и мирное житие да дарует нам, кончины же живота непостыдныя и мирныя, и блаженства вечнаго в будущем веце сподобит нас, да выну возсылаем славу и благодарение Отцу и Сыну и Духу Святому, ныне и присно и во веки веков. Аминь.

Молитва вторая.

О всеблаженне святителю Спиридоне, великий угодниче Христов и преславный чудотворче! Предстояй на Небеси Престолу Божию с лики Ангел, призри милостивым оком на предстоящия зде люди и просящия сильныя твоея помощи. Умоли благоутробие Человеколюбца Бога, да не осудит нас по беззакониим нашим, но да сотворит с нами по милости Своей. Испроси нам у Христа и Бога нашего мирное и безмятежное житие, здравие душевное и телесное, земли благоплодие и во всем всякое изобилие и благоденствие, и да не во зло обратим благая, даруемая нам от щедраго Бога, но во славу Его и в прославление твоего заступления! Избави всех верою несумненною к Богу приходящих от всяких бед душевных и телесных, от всех томлений и диавольских наветов. Буди печальным утешитель, недугующим врач, в напастех помощник, нагим покровитель, вдовицам заступник, сирым защитник, младенцем питатель, старым укрепитель, странствующим путевождь, плавающим кормчий и исходатайствуй всем, крепкия помощи твоея требующим вся, яже ко спасению, полезная. Яко да, твоими молитвами наставляеми и соблюдаеми, достигнем в вечный покой и купно с тобою прославим Бога, в Троице Святей славимаго, Отца и Сына и Святаго Духа, ныне и присно и во веки веков. Аминь.

Молитва третия.

О преблаженне святителю Спиридоне! Умоли благосердие Человеколюбца Бога, да не осудит нас по беззаконием нашим, но да сотворит с нами по милости Своей. Испроси нам, рабом Божиим (имена), у Христа и Бога нашего мирное и безмятежное житие, здравие душевное и телесное. Избави нас от всяких бед душевных и телесных, от всех томлений и диавольских наветов. Поминай нас у Престола Вседержителя и умоли Господа, да подаст многих наших грехов прощение, безбедное и мирное житие, да дарует нам, кончины же живота непостыдныя и мирныя и блаженства вечнаго в будущем веце сподобит нас, да непрестанно возсылаем славу и благодарение Отцу и Сыну и Духу Святому, ныне и присно и во веки веков.

Аминь.