Гучыць голас сцюж несціханы,
Бы ўлетку рыдае бугай,
То гулкія плачуць арганы
На ўвесь растрывожаны край.
Чароўныя ўзоры на вокнах
Пакінуў шалёны мароз.
На белых бярозах і соснах
Застыўшыя кропелькі слёз.
Узвейцеся, белыя крыллі,
Нясіце вянок завірух!
Завейныя ветры завылі,
І круціцца велічна пух.
Прырода ў белым убранні,
Іграе марозны аркестр,
Ўсе дрэвы вакол нібы здані,
Занесены ў снежны рэестр.
Цудоўна сімфонію слухаць,
Прыемна ўсю беласць сачыць,
Вятрыска спрабуе снег рухаць,
А музыка ярка гучыць.
Зимняя симфония
© Copyright: Елена Михайлова 23, 2026
Свидетельство о публикации №126082204788
Свидетельство о публикации №126082204788
Рецензии