***
Грыбы неперабраныя.
Стаіць вядро брусніц.
Цыбулька мая ранняя
Ўжо пачынае гніць.
Таматы не прыпучаны,
Жаўцеюць кабачкі.
І восені заручыны
Спраўляюць павучкі.
Клубніца не праполата.
Калі ж усё паспець?
Ігрушавае золата
Імкнецца чырванець.
Ажыны асыпаюцца
І яблыкі гніюць.
Туманы рассцілаюцца
І дожджыкі ідуць.
Бяжыць сцяжынка вузкая
Ў высокай лебядзе.
І восень беларуская
Па ёй да нас ідзе.
21. 08. 2026 г.
Грыбы неперабраныя...
© Copyright: Юрий Боровицкий, 2026
Свидетельство о публикации №126082102802
Свидетельство о публикации №126082102802
Рецензии