***
Дзень нараджэння. Што гэта такое?
Часу – няма, бо аднолькавы час.
Толькі жыццё, як імгненне зямное,
Важнае нешта ўсё ж значыць для нас.
Толькі жыццём вымяраецца час наш –
Ён то крывавы, то мірны амаль.
Неба вясновага ціхая яснасць,
Чыстага ў небе блакіту эмаль.
Джаліць нас час, і хварэем, старэем.
Цэнім яго, калі мала зусім.
Ад непазбежнасці смерці нямеем.
Толькі жыццё наша – перад усім.
Дзень нараджэння. Што гэта такое?
Гэта, калі там над борам мігне
Нешта, як зорка, святло залатое,
І адлюструецца ў чорным акне.
15. 08. 2026 г. у 21. 15, калі паліваў агарод.
Дзень нараджэння. Што гэта такое...
© Copyright: Юрий Боровицкий, 2026
Свидетельство о публикации №126081600237
Свидетельство о публикации №126081600237
Рецензии