Тут словы больш прыемныя, ласкавыя.
Тут пішацца заўсёды так, як чуецца.
Размовы кожны дзень у нас за каваю,
Размовы ў час сустрэчы дзесь на вуліцы.
Адкуль жа ўзнікла наша мілагучная?
Адказ звычайны: жыхарамі простымі
Стваралася свая, народу зручная,
Стагоддзе не адно, прайшоўшы вёрстамі
Яднання то з літоўскаю, то з польскаю,
Яна нарэшце статус свой засведчыла,
Не знішчана дасюль рукою жорсткаю
Ні з кніжак, ні з музея краяведчага,
Каб і нашчадкам нашым стала роднаю,
Каб не зрабіць памылку гістарычную.
Я не згаджуся з думкаю ніводнаю,
Якая ганіць нашу мову зычную.
Мясцовая мова
© Copyright: Саша Веденеев, 2026
Свидетельство о публикации №126081104721
Свидетельство о публикации №126081104721
Рецензии