Ахъ дубурти дуцибил,
Вац|али хъяб дуцибил,
Вава-къарли буцибил,
Баркатла Т|ант|ала ши.
Зубри бацван алкунси,
Аллагьли Нур алкунси,
Варачанван буч|уси,
Баркатла т|ант|ала ши.
Къиянти чедак|ибси,
Душманти чебак|ибси,
Чуйнара т|ашбатурси,
Баркатла т|ант|ала ши.
Гъабзати алк|ахъунси,
Хабарли бикьахъуси,
Аллагьли наб бихуси,
Дурхъаси т|ант|ала ши.
Баркатла Тантала ши
© Copyright: Казанап Кадиомаров, 2026
Свидетельство о публикации №126080800483
Свидетельство о публикации №126080800483
Рецензии