ЗИ ХАЙИ Ч1АЛ
Вун лезги яз амукьайт1а эхирдал,
Мад са касни амачирла ч1ал чидай,
На мани лагь Са шад хабар лезгидал,
Жуван хайи гафар рик1ел хкидай.
Сефилзавай рик1ер шадар ая на,
Жуван хайи дагъларикай рахана,
Лезги ч1алал Пакам хийир лагьана,
Са гаф кьванни адан рик1ел хкана.
Дидедин ван амайкьван зи япара,
Адан гафар фидайди туш рик1елай,
Ракъинин нур амайкьван чи цавара,
Дидедин ч1ал алатдач зи мецелай.
Чира жуван аялдизни лезги ч1ал,
Зи чан лугьуз, зи рик1 лугьуз гьамиша,
Тежедайвал ат1ай чара адан гьал,
Хайи ч1алал рахаз аял вердиша.
Лезгинский язык
© Copyright: Селминат Курабекова, 2026
Свидетельство о публикации №126080306779
Свидетельство о публикации №126080306779
Рецензии