***
Ля магілы таты пасядзець,
На старыя паглядзець бярозы,
У зіму – у думках – заляцець,
Дзе застылі на марозе слёзы.
Ля магілы таты пасядзець,
Паглядзець на лес каля Залесся
І адразу рэзка пастарэць,
І намеціць шлях у паднябессе.
Ля магілы таты пасядзець,
Адпачыць каб у нагах ад стомы –
І нікуды з сэрца не падзець
Той грудок, да болю мне знаёмы.
25. 07. 2026 г.
Ля магiлы таты пасядзець...
© Copyright: Юрий Боровицкий, 2026
Свидетельство о публикации №126072503701
Свидетельство о публикации №126072503701
Рецензии