Тропарь и кондак Священномуч. Арсению Ростовскому

Тропарь, гласъ 6

Слова Божия огнь на землю низводяй, / и ничтоже на ней вожделевый, / от источника правды жажду утолил еси, / и славою Небесной просветился еси, / в сей и Жертву страшную умиленным сердцем приносил еси, / моляся о гонящих и расхищающих Церковь Христову, / еще же и узы и темницу кротко претерпел еси, / всеблаженне Арсение, / вопия ко Господу: // благо есть, яко смирил мя еси.


Кондак, гласъ 5

Мира падшаго суемудрие отринув, / действенныя веры течение совершил еси, / сию и пред цари со дерзновением проповедав, / входящим во одежде овчей во двор церковный / сыном погибели и татем возбранил еси, / стадом Христовым по гласу познаваемый, / болезньми и страданьми очищаемый, / благодать чудотворения и прозрения восприял еси / во свидетелство о истинном смирении твоем, / еще же и крайняго блаженства сподобляем / изгнан бысть Христа ради, и покрыся лжею имя твое, / мы же, священнотаинниче Арсение, твою память почитающе, / единому в Троице вседетелному Богу воспоем: / дивны хотения Твоя, / неизследимы путие Твои, // правда Твоя в век века.




[Авторизованные пользователи могут видеть и сохранить текст в церковнославянской орфографии.]