ТIоцебесеб гали
Буго гьаб кIудияб дуниялалде
Дун, «ворчIами» абун, вачIараб цо бакI,
Буго – Гьарадирихъ, салам дир дуде,
Дир рекIее – дунял, картаялда – тIанкI.
ТIегьгун заз гьарзаяб гьаб дунялалде
Дун вачIараб рагьу – дир Гьарадирихъ,
ГьоцIо, цIам жубараб гьаб гIумруялда
ТIоцебесеб гали – дир Гьарадерихъ.
Дир пикрабазулги пишабазулги
Улкадул тахшагьар, Гьарадирихъ, мун,
Дие парламентги, судги, законги,
Конституцияги, мугIалимги мун.
ТIоцебесеб гали
© Copyright: Гамзат Изудинов, 2026
Свидетельство о публикации №126071108106
Свидетельство о публикации №126071108106
Рецензии