ТIадегIанас кьураб гьаб гIумруялда
Дида зоб бихьана – цIвабзазул ватIан.
ТIугьдухъ валагьана, мугIрухъ урхъана,
ГIадамазда цадахъ гIумру тIамуна.
ТIанкIгицин хIикматаб махлукъаталда
Дида инсан гIадаб сурат дандчIвачIо.
Чиясул бацIцIадаб ракI гIадаб къудрат
Халикъас ракьалъе насиб гьабичIо.
Гьеб рекIеда жаниб букIуна асар
Сурукълъи хъатIичIеб, тIабигIат гIадаб.
ГIумру гIададисеб хIай лъугьинаан,
Гьайбатаб гьеб цIаялъ цIуничI****и.
ЦIаразухъ, кепказухъ, кепазухъ гурел,
РакI-ракIалъ гIадамаз рачуна кверал.
Чиясда чи ватун, жамагIат гIола,
ЧамгIаллъи цIикIкIунин, лъикIлъи холаро.
Дида зоб бихьана, цIвабзазул ватIан
© Copyright: Гамзат Изудинов, 2026
Свидетельство о публикации №126071000366
Свидетельство о публикации №126071000366
Рецензии