Панаяб чIунтелищ мун, Аваристан?

Панаяб чIунтелищ мун, Аваристан?


ГIагараб ракь бокьи буго хIакъаб парз.
Жакъа нилъедасан гьабула гьелъ гIарз:
-Зазилъ къан чIунтIизе инсухълъиги тун,
Аварал щай унел апарагаллъун?

Панаяб чIунтелищ мун, Аваристан,
Загьруяб сусуралъ асир гьабураб?
Яги чIарал цIураб кколищ мун чIвадан,
ЧIухIараб сиялъул нахъе хутIараб?

Хабалгицин холел руго магIарухъ,
ЦIияб гIел щоларо «Къулгьу» цIализе.
Къуват гIолеб гьечIо гIицIлъи гьукъизе,
ЛъугьинчIони ТIалъул салулаб авлахъ.

Эбелаб ракь тарав – талихI къурав чи,
Васият кIочарав гьев - хиянатчи.
ВатIан бичулевги гуро бахIарчи,
Росдал цIар цIунарав –гьеле бихьинчи.

Буго греказул машгьураб маргьа:
Багьадур вукIарав Антей абурав,
Ракьалда квер чIвани,къуват бачIунев,
Къейги гьеб сабаблъун жинда лъаларев…
МугIрул рухун тоге,мехтуге,ригьа,
Авар ракь цIилъизе буго гьебмехалъ.
               …Гьабуна гьаб хитIаб магIаруллъиялъ,
               Гъоркьа гъулбасула дица ракI-ракIалъ.