Халват
НуцIагун гордал къана
Рукъ рукъалда релълъана.
Къирарал берцинго гьел –
Цо лъугьараб узданлъи!
Дваргъан цебе нуцIа къан,
КъватIиб хутIана илбис.
Жаний борчIизе бокьун,
НуцIикь кколеб букIана.
Квер хьвагIун, къватIиб тана
КъватIул чорокаб дунял.
Дун какалде вуссана,
Сири черхалда бана.
Халватрукълъун къалъана
Къваридабго дир свери.
Къуръан кодой босана –
Квешлъи рекIелъа ана.
Балъголъигун, хIикматгун,
ХIайранго кечI бачIана.
Кин дун гьадин кватIарав
ТIекъалде нуцIа къазе.
Халват
© Copyright: Гамзат Изудинов, 2026
Свидетельство о публикации №126070803505
Свидетельство о публикации №126070803505
Рецензии