Келмасму Ёр. Узбек шеъри

Ko‘nglim notinch, ul gulyuzliyor kelmasmu,
Dil bag‘rimni pora qilib, gulishaydo kelmasmu?
Kechdim anduh aning hajrida, voh,
Bag‘rim tilib, ne qilayin, dildor kelmasmu?

Ey voh, malak  sog‘inch o‘ti kuydirdi bag‘ir,
Hijron yuki bu jonga og‘irdir, og‘ir.
Kelgil, go‘zal qalbimning tanho ziyosi,
Sensiz menga bu keng jahon tordir, dunyosi

Firoq o‘ti kuydirdi bu jonni, naylayin
Yoritguvchi yo‘qdir tunim naylayin
Saharlarda izlab, izlab o‘shal suluvni,
Ko‘rishganda dil yorishar, xushtor kelmasmu?

Ey voh, dildor, sog‘inch o‘ti kuydirdi bag‘ir,
Hijron yuki bu jonga og‘irdir, og‘ir.
Kelgil, go‘zal qalbimning tanho ziyosi,
Sensiz menga bu keng jahon tordir, dunyosi

Go‘zal qalblar bir-biriga talpinganda, voh,
Til uchida emas, yurakdan so‘zlar.
Mahzun boqib,  tikilganda ul mayus ko‘zlar,
Dili pok yor, vafodori gulyor kelmasmu?

Hijron yuki ezar mening qomatim, yor-a,
Dunyo unga fido, yo‘qdir toqatim yor-a.
Uldir mening baxtim, keragim , yor-a
Qalbi sof yor, dardimga malxam kelmasmu?

Istirobdan tunlar bedor yig‘ladim, yo-rab.
Yor ismini yuragimga tig‘ladim, yo-rab.
Umid uzmay, sabrim Ila  bog‘ladim, yo-rab
Shirin so‘zlik, ko‘ngli beg‘ubor kelmasmu?

Nizomnamoz chekdi  fig‘on gulyuz debon, voh,
Ul malaksiz, qorong‘udir bu jahon e- voh,
Yer-u ko‘kni titratib  ul dilim fiґon.
Joni jaxon, oh, ul sohibdjamolim, kelmasmu?