Ивант парноро
пэя ив сыр шэранд баро,
зэлэна егли сарэ уридя,
лэнгрэ рандя банчкирдя.
Дро брунг бэшты багула,
тэл егля чириклэ,
парно ив, сыр шатра лэн учкирэл.
Тыкнэ яга, сыр пагитка чэргэня
страфинэн дро якха.
Дадэвэс чирикло дро брунг тэл ив суто,
сыр наекхвар романо чаворо чороро,
кай дадэвэс дро кхэр тато дживэл бахтало.
Тэл фэнчтра чороро чирикло,
мразандэя, мангэл прушук мароро,
ада миро вэшэскро пшалоро!
Кхэтанэ бариям дро вэш кало.
Дава э тыкнорэскэ мароро.
Яв кэ мэ, миро чороро чириклоро!
Мангаса Дэвлэс, тэ-дэл о кхам баро!
Кана о ив пашто, сыр пуст парноро.
Миро чириклоро, мануш лачо
тэ-кэрэл тукэ тато кхэроро,
тэна-мразёс тэл брунга дро ив баро,
кай нанэ тукэ соибэн лачо.
Свидетельство о публикации №126070306646