Oltin kuz bag‘rida boshlandi nikoh,
Har bir qarashingda beqiyos chiroy.
To‘fonlar kelsa ham bo‘lolmas gunoh,
Sening go‘zalligingdan lol qoladi oy.
Alamlar, sinovlar yengildi butkul,
Bizning sevgimizga taslimdir jahon.
Har kuni she'r aytar senga oshiq dil,
Eng go‘zal lahzalar bizniki, jonon.
Qarshiliklar keldi to‘fondek suron,
Ammo ishqimizga berolmadi zo‘r.
Sen shunday maftunkor, pok va begumon,
Sevgimiz poyida dunyo bo‘ldi ko‘r.
G‘azallar bitaman senga har sahar,
Hayrating ko‘zida porlaydi quvonch.
Bizning muhabbatdan lol qolar shahar,
Qalbda sobiq turar abadiy ishonch.
Butun bir olamga tengdir tuyg‘umiz,
Eng go‘zal daqiqa, lahzalar bizda.
Muqaddas rishtaga bog‘landi umid,
Baxtimiz porladi mana shu kuzda.
Ошик дил. Узбек шеъри
© Copyright: Низом Намозов, 2026
Свидетельство о публикации №126061404642
Свидетельство о публикации №126061404642
Рецензии