***
Памяці Народнага паэта
Рыгора Барадуліна
Трэба дома бываць часцей...
Р. Барадулін
Трэба дома бываць часцей,
Каб даваць там усім чарцей,
Каб душою не ачарсцвелі,
Каб у хаце парадак мелі.
Не забылі каб мыць падлогу,
Не засраліся каб, ей богу.
Каб са студні ваду насілі
Ды каб нанач ёй ногі мылі.
Не забылі каб там цябе
І далі каб які рубель,
Калі зноў ты паедзеш з дому,
Але каб не далі другому.
Не забылі каб, быў не злым
І сваім даражыў усім,
А за свежы наш хлеб пахучы
Сцебануць мог каго балюча.
Не забылі каб, клаўся ў цень,
Калі жаць трэба цэлы дзень,
Ці ўцякаў да таго ж суседа,
Дзе збіралася ўжо бяседа.
Трэба дома бываць часцей,
Трэба дома бываць не госцем,
Каб даваць там усім чарцей
І табе каб далі там штосьці.
13. 06. 2026 г.
Трэба дома бываць часцей...
© Copyright: Юрий Боровицкий, 2026
Свидетельство о публикации №126061305932
Свидетельство о публикации №126061305932
Рецензии
