Дуца абуна дида
Гьеч1ин дие дур ургъел,
Чармил батилин дир рак1,
Кидалго хинлъулареб.
Дица бицинч1о дуда,
Дие лъазе бокьич1ин,
Гьаб каранда рек1еда,
Ругел г1ужал рихьизе.
Дуца абуна дида
Дун вугилан ч1ух1ухъан,
Гьимизе ургъуларев,
Урхъун йик1ин лъаниги.
Дица бицинч1о дуда
Дие лъазе бокьич1ин,
Дир цойги бугин дунял,
Дуе жаниб бак1 гьеч1еб.
Дуца абуна дида
Дун сабалъун дуниял
Къват1ий нухал рацараб,
Къорлъун бугин жиндиян.
Дица абуна дуда
Дурго гьайбатлъи лъазе,
Бакъанит1а г1ерет1гун
Яч1айин мун къулг1ат1е.
Т1ерхьунеб бакъул ч1орал,
Бат1агуйин гвангъулел,
Мунилан угьдулезул,
Дуда рихьилин берал.
Дуца абуна дида
© Copyright: Камал Абдулвахидов, 2026
Свидетельство о публикации №126060506714
Свидетельство о публикации №126060506714
Рецензии
