Канец лютага
Адмяцеліць хутка белая завея,
Сівер адгукнецца порывам глухім.
Вырвецца з-за хмараў сонейка, сцяплее,
І натоліць смагу тумановы дым.
Хоць яшчэ лядочак скоўвае лагчыны,
Снег ужо не белы, шэры, пасумнеў.
Дзесьці пазнікалі санкаў каляіны
І дзянёк з імпэтам трошкі падужэў.
Вецце на бярозе бліскаціь надзеяй -
Вызваленне будзе з ледзяных пакут,
Сонца лёд растопіць, гай зазелянее,-
Цеплыня зямная змые сум і бруд.
Канец лютага
© Copyright: Людмила Воронова Супрун, 2026
Свидетельство о публикации №126052203813
Свидетельство о публикации №126052203813
Рецензии
