Ахъайда за сир,
Рикlе авай зи.
Вили цав са вир,
Гуьзгуь тир михьи!
Кlантlа хьурай кьуьд,
Кlантlа вичиз гад.
Зи рикlин мурад,
Акун тир чун сад!
Галат тушир зун,
Кефи тир кlубан.
Экъечlна сейрдиз,
Фин тир эрзиман!
Хкведа гьелбет,
Мукьвал жезва вахт.
Кlватlнани девлет,
Жагъанани бахт?
Тамир на гафар,
Рикlе авай ви.
Гьикl фена гатфар,
Кlвал яни къени?
Уьмуьр фена къе,
Алатна вахтар.
Гьалт тавуй рекье,
Тахьуй заз къаншар!
Ганач на суал,
Уьмуьр фена бад.
Атайла сурал,
Жеда жал чун сад?
Рикlин мурад
© Copyright: Марьям Алискерова, 2026
Свидетельство о публикации №126052006800
Свидетельство о публикации №126052006800
Рецензии