Калі сцюдзёны вецер дзьме ў твар
І хмары закрываюць небакрай,
Калі на сэрцы горачы цяжар,
Ты веру ў лепшае не адпускай.
Бо нават скрозь завеі і дажджы
Праменьчык сонца знойдзе шлях заўжды.
Хай будзе добра ў роднае зямлі,
Дзе спее жыта і цвітуць сады.
Каб нашы дзеці ў радасці раслі,
Не ведаючы гора і бяды.
Хай шэпчуць травы, і спяваюць рэкі
Пра шчасце, што нам дадзена на векі.
Давай адчынім сэрцы для святла,
Падзякуем за кожны новы ўздых.
Каб чалавечнасць кветкаю цвіла,
У позірках і ў словах залатых.
Дабро, што сеем, вернецца з ліхвою,
Напоўніць душы нашы цеплынёю.
Хай будзе добра ўсім, хто побач, і ўдалеч,
Хай будзе светлым кожны новы дзень!
І хай не будзе болей сумных стрэч,
І знікне з твару нават смутку цень.
Хай будзе добра!
Хай будзе добра!
© Copyright: Алла Бабакова, 2026
Свидетельство о публикации №126051904116
Свидетельство о публикации №126051904116
Рецензии