Мен бирда эришме,
барама алгъа.
Жашау толкъуннга да
иер салыргъа
сюеме,
базама,
сунсанг да эссиз.
Кюрешме мени тыяргъа
керексиз.
Келликмиди тамбла
къыстауду заман?
Юйретме акъыл
акъылсыз
акъылман.
Болса да къысха гюллени
чагъыуу,
ала болдула,
чакъдыла да ариу.
Гюлле кибик
бар
ёмюрлюк
мекямла,
заман желледен
тобукъгъа турдула.
Сеземе ёзюм бла
желни солуун,
манга узалады,
созады къолун.
Жюрек сагъатым
ашыкъдырма
ёзню,
заман желледен
сыйыргъынчы
сёзню.
Назму сыйырсам а
къыстау замандан,
жерлеп толкъунну,
къачарыкъма
андан.
***
© Copyright: Амина Газаева, 2026
Свидетельство о публикации №126051706702
Свидетельство о публикации №126051706702
Рецензии
