МОНОЛОГ
Къарангы кечеде
мен кёргенме кёкде
акъ булутланы.
Ким салды аланы эсиме?
Биз болабыз неден
аллай ачыкъ:
ашалгъан ток жипге
тюшгенча
чыкъ.
Жюрегим къалгъынчы
чачылып,
ал къанымы –
къан ичип.
Татлымыды къаным?
Тазамыды жаным?
Акъмыды табаным?
Сенмисе излеп тапханым
аламат аманым?
Бар,
ал,
ат
энтта бир таш.
Мен боллукъма
баш.
Мен боллукъма
б а ш х а!
Бу окъ тиеди кёзге,
тиймей къашха.
Кёз а кимниди?
Да не башха…
Окъ бла ышан
бирди.
Битим берген жер –
кирди.
Кеси кесингден
къутулмазса
къачып.
Мен арыгъанма.
Мычым…
***
© Copyright: Амина Газаева, 2026
Свидетельство о публикации №126051706696
Свидетельство о публикации №126051706696
Рецензии
