ПОЭЗИЯНЫ ЖЮРЕК ТЕБИУЮ
Отну алып
элиядан
сени суратынгы ишлейме.
Мылы,
къалын
туманлада
мудах кёзлеринги эслейме.
О солуунг а!
Солуунг
желден
терек тамыр тепгенча.
Жаза,
Аллах да
тебиннгенча
алай ачыкъды ачыуунг.
Сен къарыулуса,
къарыусузса,
Бирде – багъа,
бирде – учузса,
бирде – жууукъ,
бирде уа – кенг,
бирде – жауум,
бирде уа – тенг.
Сен хайырсызса,
хайырлыса.
Сансыз,
бирде – айырмалыса.
Бирде – къама,
бирде – балхам,
Бирде – шошлукъ,
бирде – илхам…
***
© Copyright: Амина Газаева, 2026
Свидетельство о публикации №126051608127
Свидетельство о публикации №126051608127
Рецензии
