Адамла,
адамла
сейирлик инсанла…
Ангылайма,
алай
таурухда айтханлай,
Сёзлени,
минчакъла санагъанча
къатлай,
ангылайма.
Билемеми мен ангъылай?
Такъырлыкъ.
Такъырлыкъ.
Такъырлыкъмы?
Тарлыкъ!
Адамгъа адамны сюерге
къыйынлыкъ!
Мен кёреме сени.
Мен къарайма санга.
Мен сеними кёреме,
билликме къайдан?
Бу жашау ёзенде
тюбегенбиз кёпге.
Сен мангамы къарайса?
Угъай – кюзгюге!
Кёргенинг,
билгенинг да –
кеси сыфатынг
къол ызынг бла
сени къырылады атынг.
Мени баш соруум,
къоркъуум да неде:
Кесимими
сенича
кёрдюм кюзгюде?
Бир жарыкъ тизгиннге
табыллыкъмыды жер?
Ма –
мени жюрегим,
сен къучагъынгы кер,
сыйыргъынчы,
алгъынчы
аны сенден жер.
***
© Copyright: Амина Газаева, 2026
Свидетельство о публикации №126051608111
Свидетельство о публикации №126051608111
Рецензии
