Жумушум бла чыкъсам,
атлансам жолума,
кёрюучю эдим
акъ хунаны
туурада.
Эс да бурмай анга
мен баргъанма атлай,
ол хуна уа
хунача
къалгъанды акълай.
Жумушум бла чыкъдым,
атландым жолума,
акъ хуна орнунда уа –
турады къара.
Кёзюмю бёлеген болурла туманла
эслемезча…
Угъай!
Боягъан болурла...
Биягъыча
чыкъдым,
атландым жолума.
Ол кёрюнмейди энди,
къайдады хуна?
Сагъышлыма.
Сейирди жашау деген жол.
Биз кёпнюмю
билебиз?
Болгъанмыды
ол?
***
© Copyright: Амина Газаева, 2026
Свидетельство о публикации №126051608098
Свидетельство о публикации №126051608098
Рецензии
