Къагъытны акълыгъы
поэтни
къоркъутады.
Булутну акълыгъы
кюн тиек бла
бирден,
чапыракъла ортасын
кюн жарыкъ бла
жырады.
Жарыкъны тамычысы
къалтырайды желден.
Къалтырайды къолунг,
солууунг
къалтырайды.
Умутлуду,
ачыды
сени сакълауунг.
Къагъытны акълыгъы уа
алгъынча
акълайды.
Ангылайма.
Сени ангылайды жауунг.
Къагъытны акълыгъы
поэтни
къоркъутады,
умутну акълыгъы бла
тенглешмейди ол.
Мёлеклеми? Ибилисми
къолун булгъатады?
Къагъытны къаралтады
излейди да жол.
Мен неге итинеме?
Неге итинеме?
Болмазнымы сюеме
жазып
ишлерге?
Мен санга къарасам,
кесимими кёреме?
Мен сеними
кёреме, къарап
кесимде?
***
© Copyright: Амина Газаева, 2026
Свидетельство о публикации №126051404154
Свидетельство о публикации №126051404154
Рецензии
