Сёзню сёзге
къоша, жалгъай,
Терезеден къаргъа къарай:
«Къаргъа уа
сууукъну къаргъай
биллик болурму киркитай?»
Турама чыкъмай отоудан,
сёзлюк да
тюшмей къолумдан.
Сорама мен:
«Кимге? Неге?
Назмум керекмиди сизге?»
Жууап а – бериучю болуш!
Уллу Аллах,
манга болуш…
Къарай тазалыкъгъа,
акъгъа,
кёрдюм къара тамгъа –
къаргъа!
Алай къара эсе да ол,
тазады,
акъды энди жол!
Терезеден
къаргъа къарай,
тюрсюнледен бирин сайлай,
жашау бара эди алай,
Мени къатым бла
озгъанлай…
***
© Copyright: Амина Газаева, 2026
Свидетельство о публикации №126051404147
Свидетельство о публикации №126051404147
Рецензии
