Эл ауузу – элек.
Нарт сёз
Назму да тилекди,
назму да – тилек,
унну уа тохтамай
элейди элек.
Элек ичинде къабукъла
къалырла,
уннга тюшмезле –
турурла,
къалтырай.
Таза унумдан мен
басарма тылы,
О, ненча жанны
бард анда
къыйыны:
жетсе кезиуу
сабанны оргъанла,
будай башланы тирменде
тартханла…
Ыразыма!
Махтау мен айтама сизге,
арымайын-талмай
ишлейсиз бизге.
Этген ишигиз
хар арсар кюнюмде
береди къарыу
амалсыз кезиуде.
Мени сабаным,
сен тюйюлсе къуру,
оруп жыйдыла,
сен болгъанса унум.
Унну тазалар
заманны бёлеги,
мени жаууму
болмасын
элеги.
***
© Copyright: Амина Газаева, 2026
Свидетельство о публикации №126051404120
Свидетельство о публикации №126051404120
Рецензии
