Отоуумда юч чыракъны
жарыгъы
алгъын кёрюне болур эди
артыкъ…
Энди,
энди жетмейди
манга
жарыкъ,
бийлегенча жанымы
амалсызлыкъ.
Къолуму,
аягъымы да байланып,
мен кёргенме,
къарагъанча туурадан.
Ким этгенди дуниямы
былай мутхуз,
ычхынмазча бу ачы
болумумдан?
Сауду,
сауду энтта
мени жюрегим,
жаш бёрюча
атылмаса да алгъа.
Къой андан эсе,
ёлтюр да къой мени,
ол гюняхны
сюе эсенг алыргъа.
Жип,
шынжыр да
тыялмазла жолумдан.
Къутулурча аладан
кюреш этмем.
Нек десенг,
эркинме –
жокъдула ала,
гунч болдула
оюмуму
кючюнден.
***
© Copyright: Амина Газаева, 2026
Свидетельство о публикации №126051404110
Свидетельство о публикации №126051404110
Рецензии
