Жулдузлу тенгизден
суу турады,
тёгюлмей.
Бу шошлугъ а
шошлукъмуду,
кимди билген?
Сёзюмю накъышы
гыранчача тюйюлмей,
кюзюнде ит чибинча
жерде сюркелген –
ол ачыйды кеси –
ачытырча кимни да,
ол кюеди кеси –
кюйдюрюрча кирни.
Ол жашил таланы
жандырады,
жарсымай.
Ол кюлю бла жууады
жерни терисин.
Ачыуну урлугъу,
сен нечик къарыулуса!
Жилямукъ бла уудан
этилгенчаса сен.
Ол жашил талада
басдыргъан
сундула да,
таланы жандырып,
сен чыкъгъанса жерден.
Сен чыкъгъанса алай –
сау жерни къарыуу да,
Аллахдан ыразылыкъ да
болгъанча сенде.
Ол кюлню юсюнде
мирзеуюнг
бир ариуду,
Бир ариу чайкъалады,
тенгизча
желден.
***
© Copyright: Амина Газаева, 2026
Свидетельство о публикации №126051404078
Свидетельство о публикации №126051404078
Рецензии
