– Багъа костюм. Акъыллы бет.
Жарамайды, къызчыкъ, кюлюп турургъа.
– Бийик даража жюрютюрмю ниет,
къуллукъ этгенде алдаулу «къабукъгъа»?
– Бир кёрчю ачыкъ жюрегинг бла чыгъып,
халкъны аллына – болрунг кюлкюлюк…
– Мени уа, салкъынлыгъымы да атып,
келеди жауун тюбюнде чабарым…
Сюе эдим жюрегимде чексизлик,
жарыкъ къудурети да баям болсала.
Мени ичимде кюл бурхуму – угъай,
битеу дунияла бетлерин ачсала.
Алай а жашау этерикмиди бет,
Ол дунияларым сызылмазча кирге?..
Багъа костюм. Акъыллы бет – эт…
Жарамайды, къызчыкъ, кюлюп турургъа.
***
© Copyright: Амина Газаева, 2026
Свидетельство о публикации №126051404065
Свидетельство о публикации №126051404065
Рецензии
