Къуюлады,
саркъады
мени къолумдан,
къумланы юзмези кибик, ун.
Бармагъым
ызлагъанча унну,
къумлада
жол ызлайды,
чабады гургун.
Мен женгил къымылдайма,
гургун да –
женгил,
ол къумла чабагъыды андан.
Ол жашайды
къызгъан табадача
къумда,
кетерге да излемей андан.
Ёмюрде кетмезликча
мени башымдан,
сагъышла алдыла эсими.
Ол къумда тургъаннга,
ол къумда къалгъаннга,
мен неден ушатдым кесими?
Къумну къуу жеринде
жашаса да гургун,
жокъду къум
гургунну ичинде.
Кесими къумларым а,
ёсе кючлери,
жайылалла,
жаналла менде.
***
© Copyright: Амина Газаева, 2026
Свидетельство о публикации №126051305115
Свидетельство о публикации №126051305115
Рецензии
