О тиширыу! Аны жыйрыгъы
бюгюн бир бек къысхады.
Къайдады адет,
намыс къайдады?
Аны атламы, къарамы да айтады:
кел, мени бол!
Кесине тартады.
Акъылгъа тынгыламайды къол.
Кесин алдатады.
Тиширыу. Аны жыйрыгъы
бюгюн бир бек ачыкъды.
Уртлагъан чагъыры, къадарыча, ачыды.
Ачады.
Жюрегинми ачады?
Жыйрыгъынмы?
Къачады.
Кесинденми къачады?
Эринденми къачады?
Кюледи.
Кюеди.
Жанады.
Сынады.
Батады.
Ёледи. Къайта да ёледи.
Нафысы ёлтюреди, –
кёмеди аны, жарсыусуз кёмеди.
Къарангыды кече.
Тынгысызма, билеме.
Жюрегим айтады.
Къан жугъу ай булутха батады.
Мени сюйгеним... мени сюйгеним
аны фатарына къайтады.
***
© Copyright: Амина Газаева, 2026
Свидетельство о публикации №126051304125
Свидетельство о публикации №126051304125
Рецензии
