Ах, сюйгеним!
Кёрсем ауанангы –
Аллах – шагъат! –
манга саугъады ол да.
Къуру да
сагъынама атынгы.
«Къалайса?» – деп,
узатмагъанлай къол да,
кетеме мен.
Сууукъду къарамым.
Жауун а ызынгдан къарап
жиляйды.
Жарамайды, жарамайды…
жаным...
Жауун а
хар затны да ангылайды.
Жауун а
шош жууады ызымы.
Кесим айтмазымы
ол шыбырдайды.
Биледи да
къучакъламазымы,
мени ючюн сени
ол къучакълайды.
***
© Copyright: Амина Газаева, 2026
Свидетельство о публикации №126051204094
Свидетельство о публикации №126051204094
Рецензии
