Жарсыугъа,
мен сени жолунгда
керексиз адамгъа
саналдым.
Къадарынг,
мадарынг къолунгда,
мен артха бурулуп
атландым.
Шуёхлукъ къуруду арада –
багушха
жарсыусуз атылды.
Бу сууукъ,
бу аман дунияда
сатхычлыкъ бла зарлыкъ
хорлады.
Тюбешсек –
амалсыз ышара,
жюрекде болгъанны жашыра,
бир бирге
душманлача болдукъ.
Биз алай
насыпданмы толдукъ?
Бюгюн мен
кесими кёралдым,
сен барсанг да
башла бла алгъа…
Керексиз адамгъа
саналдым
мен сени жолунгда.
Жарсыугъа.
***
© Copyright: Амина Газаева, 2026
Свидетельство о публикации №126051204043
Свидетельство о публикации №126051204043
Рецензии
