Без папер у свет іх выпускалі,
*Без адзення, торбаў, басанож.
У іерархічнай вертыкалі,
*У гуртах якіхсьці там вяльмож,
Разбаўлялі імі асяроддзе,
*Рыхтавалі свет прыняць крыжы.
Не хапала іх заўжды ў народзе,
*Несці каб святло і каб служыць
Авангардам арміі без зброі,
*Арміі, дзе слова б'е трапней,
Якасней за кулі, там, дзе трое,
*Як адно, дзе бісер між свіней
Элегантна сыпаць не дазволяць,
*Эканомяць сілы дзе і час.
Мала іх, ды гэта дробка солі
*Моліцца штодзённа і за нас,
І за тых, хто іх не заўважае,
*І за тых, хто бачыць, дзе яны -
Справа іх нікому не чужая.
*Соль зямлі - звычайныя сыны
Ісціны сапраўднай і адзінай,
*Іісуса Госпада сябры.
Як яны жывуць і мы павінны,
*Як адно каб былі кожных тры.
Эмiсары Слова
© Copyright: Саша Веденеев, 2026
Свидетельство о публикации №126051105776
Свидетельство о публикации №126051105776
Рецензии