Ийнанмай тюшлеге,
къапдырмай итлеге,
сюеме ётерге –
барама кёпюрге.
Атлайма, абынып
къалмаз ючюн, батып,
кирмез сунуп кёрге,
жюрек: «Ёрге, ёрге –
тазалыкъгъа, кёкге!»
Къыйын, узакъды жол.
Тюзлюк! мени бла бол!
Элгенме, насыбым! –
жюрек рахатлыгъым:
тынчлыкъ – хар бир юйге,
дагъыда жериме.
Алданмай байлыкъгъа,
буудурмай зарлыкъгъа, –
кюйген эседа жан!
къара ниет, хорлан!
Хорлар ючюн, ийнан,
керекди кёп заман,
заман а – акъылман.
Къыйын, узакъды жол.
Аллах, мени бла бол!..
***
© Copyright: Амина Газаева, 2026
Свидетельство о публикации №126051008201
Свидетельство о публикации №126051008201
Рецензии
